السجق
كتير مننا و خاصتاً الناس الأكيله بيكونوا من عشاق السجق و طالما في كبده أسكندراني يبقى لازم يكون في سجق أسكندراني الأتنين على السفره عاملين زى الأخوات مينفعش يكونوا غير مع بعض يعني مثلاً مفيش عربيه كبده هتبيع كبده بس لازم يكون موجود كمان السجق ممكن ميكنش في كفته لكن لازم يكون في سجق فأينما كانت الكبده وجد السجق. |
| السجق الأسكندراني |
أيه هو السجق
و بالرغم من أن السجق أكله شعبيه زى الكبده بس كتير مننا ميعرفش أيه هو السجق و هنا مش قصدي طريقة تحضيره أنا قصدى أيه هو السجق و للي مايعرفش السجق هو عباره عن لحم مفروم أى نوع من اللحوم سواء لحم بقري أو فراخ أو أى نوع من اللحوم يوضع عليها بعد ذلك البهارات و هى تكون من ملح فلفل أسود و فلفل أحمر و قصعين و ثوم و بصل و سكر و زنجبيل و توضع بعد ذلك الخلطه في أمعاء الحيوانات في غلاف رقيق.مقادير عمل السجق الأسكندراني
- كميه من السجق حسب الرغبه و الطلب
- عدد 2 ثمره من الفلفل الحلو و يغسل جيداً
- كميه من البصل
- كميه من الشطه للناس اللي بتحب الأكل الحار
- 2 ملعقه صغيره من الكاتشاب
- كميه من الملح و الفلفل الأسود حسب الطلب
- نصف كوب من الماء من الصنبور
- مقدار من زيت الطعام سواء زيتون أو عادي حسب الرغبه
طريقة عمل السجق الأسكندراني
- نجيب طاسه و نحط فيها شوية زيت و نحط فيها البصل بعد تقطيعه و نقلب لحد البصل ما يوصل لدرجة اللون المائل إلى الحمره
- بعد كده بنجيب الفلفل الرومي الحلو و نقطعه و نحطه مع الزيت و البصل في الطاسه بتاعتنا و نقلب كويس
- بعد كده نجيب السجق بتاعنا بعد غسله جيداً بالماء و نحطه مع البصل و الزيت و الفلفل الرومي على النار
- نحط بعد كده الملح و الفلفل الأسود بكميه حسب الرغبه و دي بتختلف من واحد للتاني طبعاً
- بعد كده نحط الكاتشاب و الفلفل الحار حسب الرغبه برضه و نقلب كل الخليط على النار جيداً
- بعد كده بنحط الماء و نسيبه لحد ما يستوي تقريباً لمدة 10 دقائق و نرفعه بعد كده من على النار و بالهنا و الشفا
أعتقد أن في ناس كتير كانوا شايفين الموضوع صعب و بكده نكون عملنا السجق الأسكندراني في البيت بشكل أمن و صحي و بدون خوف و يفضل تقديمه مع الكبده الأسكندراني و اللي شرحنا طريقة تحضيرها قبل كده في مقال سابق ممكن برضه للي مش متابع يراجع مقال طريقة تحضير الكبده الأسكندراني و يا رب نكون قدمنا ليكم شىء جديد و لذيذ و تابعونا دائماً و أكلات جديده مع الدنيا فيها أيه .
المصادر
المصادر
***********************
>
>
***********************
ليست هناك تعليقات:
إرسال تعليق