جاري تحميل ... الدنيا فيها أيه ؟

أخبار عاجلة

5

إعلان في أعلي التدوينة

أعلان ممولالتجاره الألكترونيهفيسبوكfacebook

أزاى تعمل أعلان ممول ناجح على فيسبوك بدولار واحد

كتير مننا و خاصتاً الناس اللي مهتمه بموضوع التجاره عبر الأنترنت أو التجاره الألكترونيه زى ما بيقولوا عليها بيشغل بالهم موضوع مهم جداً خصوصاً و مع أزمة كورونا و اللي خلت ناس كتير تتجه للتجاره عبر الأنترنت من خلال عرض المنتجات المختلفه سواء المنتجات الأستهلاكيه أو حتى الخدميه أو الكتير و الكتير من السلع و الخدمات مع أختلاف أنواعها.

و الفيسبوك واحد من المنصات اللي لا غنى عنها لو بتفكر تعرض شغلك على الأنترنت و اللي ليه تأثير بالغ الأهميه مش بيقل بأى شكل من الأشكال عن كونك تعمل ويب سايت أو أبليكشن تعرض عليه شغلك .


أزاى تعمل أعلان ممول ناجح على فيسبوك
أزاى تعمل أعلان ممول ناجح على فيسبوك 



موضوع النهارده و اللي هنحاول نسرده في نقط صغيره و دقيقه هو أزاى تعمل أعلان ممول على فيسبوك يكون مؤثر و ناجح في شغلك بدون ما تصرف كتير و ده اللي يهم كتير مننا أزاى تبدأ صح لأن دايماً البدايات بتفرق أو بمعنى أصح و بلغه بسيطه أزاى تروج مشروعك أو منتجك أو نشاطك التجاري على فيسبوك.


أزاى تعمل أعلان ممول على فيسبوك؟


و موضوع النهارده بينقسم لقسمين ترويج الصفحه و ترويج منشور

القسم الأول أزاى تروج صفحتك ؟

و هنا المقصود بيه أنك عندك صفحه معينه بتعرض أى نشاط أو منتج و أنت عايز تروجها بشكل عام أو بمعنى أبسط أزاى تجيب زوار لصفحتك بخطوات بسيطه بتدوس على كلمة ترويج على صفحتك و بتبتدي تحدد الميزانيه و الجمهور سواء من خلال السن أو البلد أو اللغه اللي بيتكلموها أو الأهتمامات بتاعة كل شخص خد بالك أن تحديد الجمهور بيكون شىء أساسي في عمل حمله أعلانيه ناجحه على فيسبوك.

بعد كده بتبتدي تحدد الميزانيه اللي أنت عايز تصرفها و أقل حاجه لترويج الصفحات هو مبلغ 5 دولار لمدة 5 أيام و دي بتبقى حمله مدتها 5 أيام بمبلغ 5 دولار وده مبلغ معقول ممكن تبتدي بيه كبدايه تجرب بيها تأثير الترويج بتاعك.

خد بالك أن بيكون في صوره بتظهر في الترويج غالباً بتبقى صورة الصفحه بتاعتك فأهم حاجه أن الصوره تكون معبره بشكل كبير عن نشاطك و تكون جذابه للعملاء كمان بيكون في نص بتروج من خلاله الصفحه لازم يكون فيه نفس المعايير و يكون بسيط و قصير على قد ما تقدر.


القسم الثاني أزاى تروج منشور؟

وده اللي أنا بميل اليه أكتر لأن ده زى ما بيقولوا هو المفيد ممكن تكون صفحتك صغيره مش مشكله بس ممكن تروج منتجات معينه أو بوست معين و هيجيلك منه برضه طلبات شراء وده المطلوب بس خد بالك ترويج المنشور غير ترويج الصفحه يعني بيبقى أقل في التكلفه يعني أقل حاجه في ترويج منشور معين بيكون 1 دولار لليوم و في أكتر من شكل للاعلان سواء أعلان دوار أو عرض وسائط متعدده بيكون فيه فيديو و صور و غيرها من أشكال المنشورات المختلفه.

حاجه أخيره عايز أقولها لكل واحد بيفكر في عمل أعلان ممول على فيسبوك أن الموضوع مش في حجم الأنفاق اللي ممكن تعمل بيه ترويج لا في أختيارك لعوامل الترويج نفسه سواء الجمهور المستهدف و الصور اللي بتعرضها و غيرها من عوامل النجاح اللي بتخلى ترويج ب 1 دولار يعمل تأثير عن ترويج معمول ب 10 دولار .

***********************

>
>

***********************

ليست هناك تعليقات:

إرسال تعليق

إعلان في أسفل التدوينة

إتصل بنا

نموذج الاتصال

الاسم

بريد إلكتروني *

رسالة *