جاري تحميل ... الدنيا فيها أيه ؟

أخبار عاجلة

5

إعلان في أعلي التدوينة

فيها علومكورونا

أحمي نفسك من كورونا

الموضوع مهم و خطير و عايز شوية تركيز ، لأن الأمر متعلق بصحتنا و حياتنا فلازم نهتم عشان الموضوع مش هزار هنعمل شوية حاجات بسيطه جداً هتغنينا و تغني بلدنا عن مشاكل كتير ياريت نركز في الكلام اللي جاي بقى و منستخفش بالمرض،،،
أحمي نفسك من كورونا
فيروس كورونا








صحيح الكورونا ده أنفلونزا لكن زي ما عرفنا مش عاديه و مميته و أدينا شايفيين نشرات الأخبار و الأعداد اللي بتزيد كل يوم و بالذات من كبار السن ، طب و بعدين نحمي نفسنا وولادنا ازاي ؟؟؟؟ الطرق بسيطه جدااااا بس منستهترش و نعملها و إن شاء الله هتعدي على خير ... ركزووووا معاااااايه .......






أول حاجه كلنا عارفينها "الكمامه" نلبس الكمامه في الأماكن الزحمه لو مضطر تنزل في الزحمه ضروري لازم تلبسها ، طب ليه؟؟؟ عشان الرزاز و العطس اللي بينقل المرض ، و تحاول تبقى المسافه ما بينك و ما بين الناس متقلش عن متر لو قدرت .









تاني حاجه المطهر و الميه و الصابون ، بخلي معايه أزازة كحول بتجيبها من الصيدليه أسمه "كحول إثيلي" لو ملقتش ممكن أي نوع كولونيا ، و ده ليه؟؟؟ عشان اطهر أيدي لو لمست حاجات زي باب المواصلات أو الكرسي أو الشباك أو أي حاجه ممكن تنقل المرض لأيدي و دايماً خلى بالك متلمسش وشك أو عينيك و أيدك مش مطهره أو مغسوله بالميه و الصابون كويس ، و على فكره غسيل الأيد بالصابون كويس و لمده متقلش عن 20 ثانيه يعني رغيها كويس كده مش أي كلام.














تالت حاجه بقى أطهر كل اللي حواليه و ممكن ينقللي المرض ، زي أيه كده ؟؟؟ زي لو انا في شغلي مثلاً اطهر الأدوات و الأسطح اللي ممكن الفيروس يتعلق فيها زي المكتب أو مقبض الباب و كل الحاجات دي ممكن تنقل العدوى ، و في البيت أطهر الأسطح و الأبواب و الشبابيك و ممكن أستعمل الكلور في العمليات دي بخففه و أستخدمه ببخاخه و هو مطهر قوي و بيقضي على الفيروس ده.
















رابع حاجه نهتم بصحتنا و بالرياضه ، يعني ناكل كويس و كويس مش يعني كتير لا ، كويس يعني أكل صحي و مفيد فيه بروتين و فيتامين يعني لحوم أو فراخ أو سمك و خضروات طازه و فاكهه ، و كمان نشرب مشروبات دافيه ينسون و تيليو و كراويه و نعناع و كل الحاجات دي مفيده جداً ، نبعد عن المشروبات المثلجه و الأيس كريم خالص الفتره دي ، و كل يوم نلعب شوية رياضه الصبح اللي مبيتمرنش رياضه معينه ممكن يلعب شوية تمارين سويدي بطن و ضغط و غيرها و يجري و لو حتى في المكان ، الرياضه مهمه جداًَ .











أخر حاجه النفسيه ،،،، أيوه العامل النفسي مهم جداً يعني متخفش من حاجه ، و طالما عملت اللي عليك سيب الباقي بقى على ربنا و ثق أنه عمره ما هيجيب غير الخير كله ، عملت اللي عليك عيش حياتك عادي جداً و سلمها لله و إن شاء الله الأزمه دي هتعدي زي ما عدى قبلها كتير على البشريه .....






أتمنى أكون جمعت معلومات مفيده قصدت أعرضها بطريقه سهله و بسيطه عشان يفهمها كل اللي يقراها و يستفاد منها و ربنا يبعد عنا و عنكم كل شر.......

***********************

>
>

***********************

هناك تعليقان (2):

إعلان في أسفل التدوينة

إتصل بنا

نموذج الاتصال

الاسم

بريد إلكتروني *

رسالة *