جاري تحميل ... الدنيا فيها أيه ؟

أخبار عاجلة

5

إعلان في أعلي التدوينة

النهارده هنتكلم في موضوع بيهم كتير من الشباب بوجه عام و لكن على وجه الخصوص بينتشر أكتر في فصل الصيف و الجيم و المصايف و موضوع النهارده و علشان مطولش عليكم كتير هيكون عن الفضه و اللي هنعرف معلومات كتير عنها و بالخصوص هيكون عن السلاسل الفضه الرجالي و اللي كتير من الشباب بيحب يلبسها و لدرجة أن في قطاع عريض منهم عارف أنواعها و عياراتها أكتر من الخبراء في المهنه نفسهم.

سلاسل رجالي من فضيات ريمو أند سيمو
سلاسل رجالي من REMO&SEMO Silver


الفضه 

كتير مننا كل اللي يعرفه عن الفضه أنه بيلبسها بس و لكن عايزين نعرفكم النهارده بمعلومات عامه عن الفضه و اللي ساعدنا علشان نعرفها بشكل كبير فضيات ريمو أند سيمو   REMO&SEMO Silver و اللي بنحب نشكرهم بشكل خاص

  • الفضه من أقوى المواد أو العناصر الموصله للحراره و الكهرباء.
  • كمان الفضه زمان كانوا بيستخدموها مش لمجرد الحلى و الأكسسوار لا ده كمان كانوا بينقوا بيها المياه من الشوائب بأنهم كانوا بيحطوا عمله معدنيه من الفضه داخل أواني المياه علشان تقوم بتنقيتها من الشوائب.
  • كمان الفضه كانت بتستخدم قديماً و لحد دلوقتي في النواحي الطبيه بشكل كبير. 
  • كمان الفضه بتتأثر بشكل كبير بالعوامل الجويه و ده اللي بيخلي لونها يتغير سواء من العوامل الجويه أو من أملاح العرق الزياده.
  • عيارات الفضه كتيره و منها 800 و 900 و 925 و ده بيعتبر أعلى عيار أما عيار 1000 هو عيار السبائك فقط.
  • في  بلاد كتير أشتهرت بالفضه و جودة صناعتها خصوصاً في الفتره الأخيره زى أيطاليا و تركيا و تايلاند و سويسرا و كمان ده ميقللش من قيمة الفضه المصريه اللي بتتميز بالمشغولات الفرعونيه في الأساس.
  • في طرق كتير لتلميع الفضه و أعطائها البريق و اللمعان أشهرها طبعاً تنظيف قطع الفضه بكربونات الصوديوم.


و علشان منطولش عليكم و ندخل علطول في موضوع النهارده و هو السلاسل الرجالي الفضه من عيار 925 على وجه الخصوص هنتكلم النهارده عن أشهر أنواع السلاسل الرجالي و اللي معروفه في مصر على وجه التحديد و اللي كان ل فضيات ريمو أند سيمو REMO&SEMO Silver الفضل في أن أحنا نشرحها ليكم النهارده موثقه بمجموعه من الفيديوهات اللي هنشرح بيها كل موديل على الطبيعه. 

السلسله المسمار التفاصيل و الأسعار 

وهى عباره عن سلسله رجالي من عيار 925 عباره عن عقل متشابهه و دي بيكون منها أكتر من وزن و طول و عرض و السلسله المسمار بتعتبر أشهر السلاسل الفضه و اللي بتتميز أن هى مش مجرد موضه ليها وقت معين و خلاص يعني ممكن نقول أنها سلسله مش بتبطل أبداً مع الوقت ، و في ميزه كمان أن في موديلات منها وزنها خفيف و بيكون سعرها على أد الأيد يعني تقريباً موديلاتها بتبتدي من 150 جنيه وزن من 5 إلى 6 جرام و وزن  14 جرام 390 جنيه و وزن 29 جرام 750 جنيه و في موديلات بتوصل لحد ال 1000 جنيه حسب الوزن و العرض و الطول طبعاً و هى بتكون في الغالب أيطالي .





السلسله الكينج

السلسله الكينج هى سلسله مشهوره جداً بين أوساط الشباب ، و هى بتكون عباره عن سلسله بيختلط فيها لون الفضه الأبيض باللون الأسود الأكسديه و تحس أنها شبه جلد الثعبان في نقشتها و ده اللي بيخليها تتشابه بشكل كبير مع السلسله ضهر الحيه و السلسله الكينج أما بتكون مربعه أو دائريه ، و في منها أطوال و أوزان مختلفه بس بيكون سعرها أعلى شويه من السلسله المسمار يعني تقريباً بتبتدي من 500 جنيه لحد 1500 , 2000 جنيه و دي غالباً بتكون تركي و بتكون عيار 925.



السلسله اليورو

و من أسمها اليورو نقدر نقول ان بيقال ان سبب تسميتها باليورو علشان العقل بتاعتها تشبه رمز عمله اليورو بشكل كبير ، و بتكون لونها لون الفضه و لمعتها العاديه بدون أكسديه و بيكون ليها أكتر من وزن و عرض بس تقريباً بوجه عام بتكون سلسله تقيله يعني تقريباً مش بيقل سعرها عن 1000 , 1500 و ممكن يزيد سعرها حسب الوزن و العرض بتاعها ، و نزل منها في الفتره الأخيره عباره عن  نفس عقل اليورو بس ما بين كل مجموعة عقل عقله ساده و برضه بتكون عيار 925 و غالباً بتكون من الفضه الأيطالي.


ده كان موضوع النهارده و اللي يا رب يكون عجبكم و في النهايه بنشكر كل مجموعة عمل فضيات ريمو أند سيمو REMO&SEMO Silver و اللي تعبوا معانا كتير سواء علشان يشرحولنا كل المعلومات دي أو حتى من خلال الفيديوهات اللي أمدونا بيها علشان نعرضها عليكم.



***********************

>
>

***********************

ليست هناك تعليقات:

إرسال تعليق

إعلان في أسفل التدوينة

إتصل بنا

نموذج الاتصال

الاسم

بريد إلكتروني *

رسالة *