كتير مننا بيشوف أن عمل تورته لأعياد الميلاد في البيت ده شىء صعب جداً و بيحس أن ست البيت اللي بتعمل التورته في البيت دي سوبر مان أو حاجه فوق الخيال و دايماً بيفضل شراء التورته الجاهزه من محلات الحلويات و اللي بيبقى أسهل بكتير و ده بيبقى أحساس محبط لكتير مننا خصوصاً لو كان عيد الميلاد ده لحد عزيز على قلوبنا و نبقى نفسنا نعمله كل حاجه حلوه بأيدينا .
طبعاً هى كل حاجه في الأول صعبه و ممكن نفشل في مره بس أكيد في المره اللي بعديها بننجح و النجاح في حاجه معموله بأيدينا بيبقى ليه طعم خاص جداً . كمان الفكره مش مجرد أنك تعمليها في البيت بس دي كمان بتبقى أضمن من أنك تأكلى لولادك حاجه من الشارع و دي في الأخر بتبقى معموله تحت عنيكي و العمليه مش صعبه و هنشرحها و حده وحده و بكل سهوله.
طبعاً هى كل حاجه في الأول صعبه و ممكن نفشل في مره بس أكيد في المره اللي بعديها بننجح و النجاح في حاجه معموله بأيدينا بيبقى ليه طعم خاص جداً . كمان الفكره مش مجرد أنك تعمليها في البيت بس دي كمان بتبقى أضمن من أنك تأكلى لولادك حاجه من الشارع و دي في الأخر بتبقى معموله تحت عنيكي و العمليه مش صعبه و هنشرحها و حده وحده و بكل سهوله.
 |
| تورتة الفواكه |
طريقة عمل تورتة أعياد الميلاد خطوه بخطوه
المقادير
- نصف كيلو دقيق أسبونج أبيض و ده طبعاً لو عايزاها تورته بيضاء أما لو عايزاها شوكولاته يبقى دقيق أسبونج شوكولاته و ده حسب الرغبه طبعاً أنا عن نفسي بحب التورته الفانيليا البيضا
- 6 بيضات من درجة حرارة الغرفه
- نص كوب ماء
- ربع كيلو كريم شانتي بالسكر
- جيل تلميع على الساخن
- كوب ألا ربع لبن مثلج
كتير مننا هيسأل كده بدون فانيليا أو بيكنج بودر أو أى حاجه تانيه أيوه هو ده التطور الدقيق الأسبونج الميزه بتاعته أنه فيه كل الحاجات دي.
طريقة التحضير:
- أول حاجه نبتدي نسخن الفرن طبعاً عقبال ما نعمل باقي الخطوات
- نجيب طبق واسع و غويط و نحط فيه البيض و نص كوب الماء و طبعاً الدقيق الأسبونج بتاعنا
- نخلط كل المقادير دي مع بعض بالمضرب الكهربائي طبعاً لمدة تقريباً ربع ساعه و كل ما نخلط أكبر القوام هيكون أحسن
- نجيب صينيه على مقاس التورته بتاعتنا و ندهن الصينيه زبده من كل الجوانب و نرش جواها شوية دقيق و نحط جواها الخليط اللي ضربناه بالمضرب و نحطها في الفرن لمدة 40 دقيقه طبعاً و ده هيكون على درجة حرارة 180 درجه و بعد ما تستوي أخليها جوه الفرن شويه من ربع ساعه ل 10 دقايق علشان متهبطش مننا.
- بعد كده نطلع التورته بتاعتنا من الفرن و نحطها على منخول كبير علشان تبرد و لما تبرد خالص نحطها في الثلاجه لتاني يوم علشان تبقى سهلة التقطيع و مرنه طبعاً
- بعد كده نبتدي نجيب سكينه تكون كبيره و مشرشره و نقسم بيها التورته بتاعتنا طبقات طبقتين أو تلاته أو أربعه حسب الرغبه طبعاً
- بعد كده نجهز بقى الشربات الحلو بتاعنا و ده بيكون للي مش عارف عباره عن كوباية سكر على كوبايه و نص ماء و نحطهم على النار لحد ما تغلي و نحط عليهم ليمونه نعصرها طبعاً
- بعد كده بنجيب الشربات بتاعنا و ندهن بيه طبقه طبقه من الطبقات اللي عملناها و ده قبل طبعاً ما نحط الكريم شانتي على كل طبقه يعني الشربات الأول أو ممكن يكون مية الكمبوت و بعدين الكريم شانتي
طريقة تحضير الكريم شانتي
وده سهل جداً كوباية كريم شانتي عليها كوب ألا ربع لبن ساقع و نضربهم مع بعض و بس كده عملنا الكريم شانتي و بندهن بيه بعد كده التورته بتاعتنا كلها و لو عايزين نحط في الحشو من جوه أو على الجوانب مكسرات ده بيبقى حسب الرغبه طبعاً
بعد كده بنحط التورته بتاعتنا في الثلاجه لحد ما تسقه و بعد كده نزينها حسب الرغبه و الذوق طبعاً بتاعنا و أكيد مش هننسى ندهن الفواكه و التورته بتاعتنا من فوق بجيل التلميع اللي جاهز عندنا كده التورته بتاعتنا خلصت و أجدع من أى حلواني و بالهنا و الشفا و عيد ميلاد سعيد.
***********************
>
>
***********************
ليست هناك تعليقات:
إرسال تعليق