و أنا راكب المواصلات و رايح شغلي كان في ولدين قاعدين قدامي لسه في سن الزهور بيتكلموا عن أنهم خايفين من تنسيق المرحله الثالثه و أنهم ممكن ميلحقوش مكان في أى كليه و كان باين عليهم علامات الخوف و القلق الشديد افتكرت نفسي زمان و انا قدهم و اني كنت بحس بنفس الشعور وقتها بس علشان اكون صريح مكنش عندي نفس شعورهم وقتها ممكن كان يكون شعور ابويا و امي بس انا مكنش فارق معايا الموضوع كتير.
قولت لنفسي ليه شباب صغير في السن ده يعيشوا القلق و الخوف ده في أحساسهم ان مصيرهم و مستقبلهم مش بأيديهم بس هل فعلاً مصيرهم مش بأيديهم هل فعلاً الثانويه العامه و التنسيق هما اللي بيحددوا مستقبلهم و أنهم لو ملحقوش كليه او بمعنى اصح الكليه اللي نفسهم فيها كده مستقبلهم راح .هل ده صحيح؟ و مين اللي اقنعهم بكده؟ هل معقول ان سنه او سنتين في حياتك هما اللي بيحددوا مستقبلك كله و اللي جاى من عمرك.
لو فكرت فيها بأكتر من منطق هتلاقيها حاجه غريبه و عجيبه كمان أيوه بجد .المفروض أن مصيرك و مستقبلك و خصوصاً الجزء الاكبر منه و هو شغلك و الطريق اللي هتمشي فيه يكون بأيديك مش بأيد حد تاني . يبقى تفتكروا المشكله فين ؟ هل المشكله في أنظمه تعليميه غريبه و زى ما بيقولوا أكل عليها الضهر و شرب . ولا فينا أحنا و هنا أقصد الطلاب اللي في المرحله دي من عمرهم . ولا في المجتمع من حوالينا و طبعاً ده بيشمل الأهل و القرايب و اللي بيشكلوا اكتر من غيرهم جزء أصيل من المشكله.
أصله مش موضوع صعب . انت عايز تكون طبيب مثلاً حاسس أن عندك القدره و بتحب المهنه دي و هتبدع فيها خلاص أيه المشكله أتفضل.أنت بتحب التجاره و الحسابات مثلاً و نفسك تشتغل فيها و هتنجح فيها خلاص أيه المشكله أتفضل. و غيرها و غيرها من العلوم و من المهن . طبيعي ان يتعملك أختبارات علشان يتعرف أنك هتنجح و لا لأ بس في النهايه الطريق معروف و واضح.
مش ممكن أن تركيزي في سنه في دراستي و اللي من الممكن انه يكون أتأثر في السنه دي بالتحديد من حياتي بأى ظروف من حواليا هو اللي هيحدد مصيري كله بدون رجعه . مش ممكن أن درجه ولا درجتين هما اللي هيحددوا شغلي و مستقبلي طول العمر.
من ناحيه تانيه هل يعقل أن طالب حصل في درجاته على درجات أقل من طالب أخر بنمرتين أو تلاته أو حتى عشره يكون مؤهل انه يدخل هندسه مثلاُ و التاني ميدخلش . يعنى بمعنى أدق هل درجات الطالب في نظامنا التعليمي هى من تحدد قدراته و أمكانياته و هل ده أسلوب متعارف عليه علمياً يعني بمعني تاني اللي جايب 95% فسيولوجياً و نفسياً و كونياً و قول اللي انت عايزه بيبقى قادر على دراسة مواد كلية الهندسه أكتر من اللي جايب 85%
طبعاً كلام فارغ و الدليل على كده أن اللي جايب 85% ده ممكن يدرس الهندسه في اى جامعه خاصه و ممكن يدرسها في أى جامعه أجنبيه خاصه و لا ساعتها المهندس ابو 85% هيبني عمارات و كباري بتقع و ابو 95% لأ
طيب من من منظور تاني هل هناك مقارنه بين العلوم المختلفه . يعني في عاقل ممكن يقول ان علم الطب أحسن من علم الهندسه و علم القانون أحسن من علم التجاره و أن اللغات مثلاً أحسن من التاريخ . يعني هل في علم أحسن من علم؟ يعني مثلاً اللي بيدرس القانون و في يوم بيكون مستشار و وكيل نيابه و بيطبق العدل بين الناس أقل في امكانياته من الدكتور و اللي برضه بيعالج الناس و صاحب مكانه عظيمه. وهل كل دول أحسن من اللي بيدرس فنون زى التمثيل و الموسيقى مثلاً.
طب تفتكروا أن العيب في نظام التنسيق لوحده و أن أحنا معندناش أى مسئوليه عن كل ده سواء طلاب أو مجتمع من حوالينا .
قولت لنفسي ليه شباب صغير في السن ده يعيشوا القلق و الخوف ده في أحساسهم ان مصيرهم و مستقبلهم مش بأيديهم بس هل فعلاً مصيرهم مش بأيديهم هل فعلاً الثانويه العامه و التنسيق هما اللي بيحددوا مستقبلهم و أنهم لو ملحقوش كليه او بمعنى اصح الكليه اللي نفسهم فيها كده مستقبلهم راح .هل ده صحيح؟ و مين اللي اقنعهم بكده؟ هل معقول ان سنه او سنتين في حياتك هما اللي بيحددوا مستقبلك كله و اللي جاى من عمرك.
لو فكرت فيها بأكتر من منطق هتلاقيها حاجه غريبه و عجيبه كمان أيوه بجد .المفروض أن مصيرك و مستقبلك و خصوصاً الجزء الاكبر منه و هو شغلك و الطريق اللي هتمشي فيه يكون بأيديك مش بأيد حد تاني . يبقى تفتكروا المشكله فين ؟ هل المشكله في أنظمه تعليميه غريبه و زى ما بيقولوا أكل عليها الضهر و شرب . ولا فينا أحنا و هنا أقصد الطلاب اللي في المرحله دي من عمرهم . ولا في المجتمع من حوالينا و طبعاً ده بيشمل الأهل و القرايب و اللي بيشكلوا اكتر من غيرهم جزء أصيل من المشكله.
نظام تعليمي غريب:
من المفروض وزى ما قلنا قبل كده أن مصيرك بيتحدد برغبتك و ارادتك بشكل كبير . أعتقد أن العالم و خصوصاً العالم المتقدم بيتبع سياسه تعليميه مختلفه يعني موضوع التنسيق ده مش موجود عندهم أيوه متستغربش اللي عايز يتعلم علم معين بيتعلمه بكل حريه بدون أى قيود أو شروط .أصله مش موضوع صعب . انت عايز تكون طبيب مثلاً حاسس أن عندك القدره و بتحب المهنه دي و هتبدع فيها خلاص أيه المشكله أتفضل.أنت بتحب التجاره و الحسابات مثلاً و نفسك تشتغل فيها و هتنجح فيها خلاص أيه المشكله أتفضل. و غيرها و غيرها من العلوم و من المهن . طبيعي ان يتعملك أختبارات علشان يتعرف أنك هتنجح و لا لأ بس في النهايه الطريق معروف و واضح.
مش ممكن أن تركيزي في سنه في دراستي و اللي من الممكن انه يكون أتأثر في السنه دي بالتحديد من حياتي بأى ظروف من حواليا هو اللي هيحدد مصيري كله بدون رجعه . مش ممكن أن درجه ولا درجتين هما اللي هيحددوا شغلي و مستقبلي طول العمر.
من ناحيه تانيه هل يعقل أن طالب حصل في درجاته على درجات أقل من طالب أخر بنمرتين أو تلاته أو حتى عشره يكون مؤهل انه يدخل هندسه مثلاُ و التاني ميدخلش . يعنى بمعنى أدق هل درجات الطالب في نظامنا التعليمي هى من تحدد قدراته و أمكانياته و هل ده أسلوب متعارف عليه علمياً يعني بمعني تاني اللي جايب 95% فسيولوجياً و نفسياً و كونياً و قول اللي انت عايزه بيبقى قادر على دراسة مواد كلية الهندسه أكتر من اللي جايب 85%
طبعاً كلام فارغ و الدليل على كده أن اللي جايب 85% ده ممكن يدرس الهندسه في اى جامعه خاصه و ممكن يدرسها في أى جامعه أجنبيه خاصه و لا ساعتها المهندس ابو 85% هيبني عمارات و كباري بتقع و ابو 95% لأ
طيب من من منظور تاني هل هناك مقارنه بين العلوم المختلفه . يعني في عاقل ممكن يقول ان علم الطب أحسن من علم الهندسه و علم القانون أحسن من علم التجاره و أن اللغات مثلاً أحسن من التاريخ . يعني هل في علم أحسن من علم؟ يعني مثلاً اللي بيدرس القانون و في يوم بيكون مستشار و وكيل نيابه و بيطبق العدل بين الناس أقل في امكانياته من الدكتور و اللي برضه بيعالج الناس و صاحب مكانه عظيمه. وهل كل دول أحسن من اللي بيدرس فنون زى التمثيل و الموسيقى مثلاً.
طب تفتكروا أن العيب في نظام التنسيق لوحده و أن أحنا معندناش أى مسئوليه عن كل ده سواء طلاب أو مجتمع من حوالينا .
للحديث بقيه.............
منتظرين تعليقاتكم تابعونا في كل جديد.
***********************
>
>
***********************
ليست هناك تعليقات:
إرسال تعليق