صحيت الصبح بدري و بعد طبعاً ما غسلت و شي و سناني عارف أنكم دلوقتي بتقولوا هو عايز يقولنا أنه بيغسل سنانه . و بدون ما أطول عليكم علشان عادة غسيل السنان دي أنا أتعودت عليها بعد تجربه مريره مع الالام مع سناني و الدوخه على الدكاتره المهم علشان سناني بدأت توجعني و أنا بفتكر.المهم أني صحيت الحمد لله و خلصنا.
فتحت الفيس و مره واحده لقيت مفيش سيره غير ال ميني فان الميني فان متقولش ماسورة ميني فان و ضربت و أنا قاعد زى الأطرش في الزفه قولت الحقلي نفسي بكلمتين أعرفهم عن الموضوع أفرض مراتي دخلت عليا دلوقتي و قالتلي أيه ال ميني فان ده ابقى قاعد زى البتنجان كده و أحنا في عيلتنا مينفعش الراجل يقول معرفش حتى لو ميعرفش لازم يفتي و خلاص .
الصراحه انا كل معلوماتي عن الفان لما الفنان الكبير لطفي لبيب شوف أول ما قولت لطفي لبيب الكل أفتكر أني هقول أشتروس الجنزبيل أحمدك يارب . لا مش قصدي المشهد ده أنا قصدي لما الفنان الجميل أحمد حلمي في عسل أسود كان بيقوله انا عايز عربيه فان يا راضي راح رد عليه و قال ما دي عربيه فان اهه باب فرات. فرات ده و لا مش فرات . مش عارف الصراحه كان بيقول فرات و لا فراك
المهم و بسرعه قولت لازم أعرف أيه الموضوع.لقيت يا سيدي أنه بيقولك أن رئيس الوزراء هيعمل إحلال للتوك توك بعربيات ميني فان زى ما عملوا قبل كده إحلال للتاكسي الكاروهات قصدي الأبيض في أسود بالتاكسي الأبيض . قولت و ماله أهي نظافه برضه و التغيير على كل حال مطلوب. بس المهم طبعاً إنهم ياخدوا عليهم تعهد أنهم هيشغلوا مهرجانات زى التوك توك لأن لو مفيش مهرجان الناس هتضرب و مش هتركب الفان دي خالص و على رأى المثل أسترها علينا يا رب ده أحنا أتملانا غباء.
الصراحه انا كل معلوماتي عن الفان لما الفنان الكبير لطفي لبيب شوف أول ما قولت لطفي لبيب الكل أفتكر أني هقول أشتروس الجنزبيل أحمدك يارب . لا مش قصدي المشهد ده أنا قصدي لما الفنان الجميل أحمد حلمي في عسل أسود كان بيقوله انا عايز عربيه فان يا راضي راح رد عليه و قال ما دي عربيه فان اهه باب فرات. فرات ده و لا مش فرات . مش عارف الصراحه كان بيقول فرات و لا فراك
المهم و بسرعه قولت لازم أعرف أيه الموضوع.لقيت يا سيدي أنه بيقولك أن رئيس الوزراء هيعمل إحلال للتوك توك بعربيات ميني فان زى ما عملوا قبل كده إحلال للتاكسي الكاروهات قصدي الأبيض في أسود بالتاكسي الأبيض . قولت و ماله أهي نظافه برضه و التغيير على كل حال مطلوب. بس المهم طبعاً إنهم ياخدوا عليهم تعهد أنهم هيشغلوا مهرجانات زى التوك توك لأن لو مفيش مهرجان الناس هتضرب و مش هتركب الفان دي خالص و على رأى المثل أسترها علينا يا رب ده أحنا أتملانا غباء.
أيه هى بقى العربيه الميني فان دي:
قومت داخل على حبيبي عم جوجل و عملت بحث عن ال ميني فان ديه و قولت أشوف أيه الموضوع. طلع موضوع كبير و أنا مش عارف .
- ال ميني فان هى عربيه صغيره شبه الميكروباص بس مش ميكروباص هى أصغر بتشيل من 6 إلى 7 راكب بالكتير
- ال ميني فان عربيه بتشتغل ب الغاز الطبيعي مش البنزين و ده كلام جميل يعني صديقه للبيئه لا مش قصدي أنها معاها نمرة تليفون البيئه و بتكلمها كل يوم و بتخرج معاها و الكلام ده .صديقة البيئه يعني بتعمل حاجات مش بتضر البيئه.
- ال ميني فان هى تصميم أمريكي للحافلات و أول عربيه ميني فان تم تصميمها سنة 1983 من مصنع كرايسلر و اللي كان عندي زيها و أنا صغير بس بعتها و أشتريت واحده BMX نبيتي علشان الركنه و الزحمه.
- بعد كده في شركات كتير بدأت تنتج سيارات ال ميني فان هى كمان زى جنرال موتورز و فورد اللي أنتجت أول سياره ميني فان سنة 1986.
- بعد كده و بعد أنتشارها في العالم بس بشكل مش كبير أسيا كمان أنتجت عدد كبير من السيارات ال ميني فان و بالتحديد سنة 1989 و الصين بعد كده دخلت على الخط و طبعاً قامت بالواجب و من الوقت ده أنتشرت السيارات ال ميني فان في العالم بشكل كبير جداً.
***********************
>
>
***********************
ليست هناك تعليقات:
إرسال تعليق