مقدمه
نادي الزمالك من أكبر الأنديه الجماهيريه في افريقيا و الوطن العربي و الشرق الأوسط طبعاً وزى ما أحنا عارفين و مش عايز أطول عليكم تم أنشاء نادي الزمالك وزى ما كل الزملكاويه عارفين سنه 1911 و بالتحديد في شهر يناير على يد جورج مرزباج و كان أسمه ساعتها نادي قصر النيل وده طبعاً نسبه إلى مكانه ساعتها و اللي كان مكان كازينو النهر
المهم و علشان مطولش عليكم كتير و لأن الزملكاويه و كالعاده بيبقوا عارفين كل صغيره و كبيره عن ناديهم و تاريخه و حافظينه عن ظهر قلب زى ما بيقولوا مش زى مشجعين أى نادي أخر بيشجعوا و بس . و كمان علشان عايز أدخل في الموضوع اللي هكلمكم فيه
كتير بسأل نفسي سؤال دايماً محيرني من و أنا صغير من ساعة أبويا ما كان بيقعد على الحصيره و ياخدني قدامه و أحنا بنتفرج على ماتش الزمالك و لأني من جيل التمانينات كنت بتفرج ساعتها على إسماعيل يوسف و أشرف قاسم و هشام يكن و حسين عبد اللطيف وبدون ما أنسى حد و طبعاً مع حفظ الالقاب . بس السؤال اللي كان محيرني هو أنا ليه بشجع الزمالك؟
كتير بسأل نفسي سؤال دايماً محيرني من و أنا صغير من ساعة أبويا ما كان بيقعد على الحصيره و ياخدني قدامه و أحنا بنتفرج على ماتش الزمالك و لأني من جيل التمانينات كنت بتفرج ساعتها على إسماعيل يوسف و أشرف قاسم و هشام يكن و حسين عبد اللطيف وبدون ما أنسى حد و طبعاً مع حفظ الالقاب . بس السؤال اللي كان محيرني هو أنا ليه بشجع الزمالك؟
هو الزمالك أكبر نادي من حيث عدد البطولات؟
طبعاً أحنا هنا مش في مجال بطولات حلال و بطولات حرام و الكلام ده و مش في مجال البطولات جت أزاى .بس الواقع بيقول أن الزمالك و ف كرة القدم بالتحديد مش صاحب أكبر عدد من البطولات يعني لو خدنا الدوري على سبيل المثال عندنا 12 بطوله و الأهلى 40 معنى كده أن أحنا واقعياً مش أصحاب أكبر عدد من البطولات
هو الزمالك صاحب حظ أو كعبه عالي مثلاً؟
هو انت بتشجع الزمالك مثلاً علشان حظه جامد و كعبه عالى على الفرق الباقيه لاسمح الله مثلاً ؟ بالعكس ده أحنا دايماً حظنا قطران و بنقابل حاجات محدش بيقابلها في الدنيا لدرجة ان مين فينا قبل أى ماتش بيبقى واثق أن احنا هنفوز حتى لو كنا بنلاعب أسوء فرقه في العالم .لدرجة ان اللي بيبقى واثق أن أحنا هنفوز بنقوله دايماً يبقى انت مش زملكاوي أو بنقول عليه لسه جديد
يعني مثلاً أحنا تقريباً أكبر فرقه في العالم بتضيع أهداف مع أن في فرق بتاخد الدوري بأجوان كفته ببقى بقول لنفسي الحظ ده ليه مش بيعتب ناحيتنا .بنكسب أقوى الفرق و بنتغلب من فرق مش موجوده على الخريطه و بسكور كمان .اللاعيب اللي يبقى عندنا و يروح فرقه تانيه يبقى قدام كل الفرق بطه بلدي يجي قدامنا و يعمل ماتش عمره و يبقى كريستيانو و ميسي مع بعض متقولش واخد حقنة لهيطه
هو الزمالك بيفرحك علطول؟
كداب في أصل وشه اللي هيقول أه و ميبقاش زملكاوي ده حتى يا مؤمن الأغنيه بتقول مهما بكاني بيجيلي أنا وقت أكيد و بفرح معاه من تاني و الناس اللي ليها في الشعر و التلحين تعرف أن مهمااااااا بكاااني معناها انه في الغالب بيبكيني و أوقات بسيطه بيفرحني بس هى الشهاده لله الأوقات اللي بيفرحني بيها في الفتره الأخيره زادت شويه. طب هو أنا ليه بعد كل ده بشجع الزمالك؟
هو أنا ليه بشجع الزمالك؟
بشجع الزمالك علشان بحس أنه شبهي لدرجة أن بشوف الزملكاويه بعرفهم من غير ما يقولوا بحس فيهم برقى فظيع بدماغ منوره بوعى و فهم مش بشوفه غير فيهم سواء في أسلوبهم و تصرفاتهم و ده اللي يثبت أن الزمالك ده أسلوب حياه
تحس أن الزملكاوي مغامر و حقاني و عنده كمية وفاء مش موجوده في حد تحس انه ميقدرش مثلاً مهما حصل يشجع أى نادي تاني مع أن العكس أنا شفته كتير
تحس أن الزملكاوي كائن متمرد على الواقع و على مزاج الأغلبيه و ده اللي حصل لما رشدي أباظه كل عيلته كانوا أهلويه بس هو تمرد على الواقع و قرر يكون زملكاوي علشان هو صاحب رؤيه و وجهة نظر
تحس أن الزملكاوي كائن متمرد على الواقع و على مزاج الأغلبيه و ده اللي حصل لما رشدي أباظه كل عيلته كانوا أهلويه بس هو تمرد على الواقع و قرر يكون زملكاوي علشان هو صاحب رؤيه و وجهة نظر
تحس أن الزملكاوي دايماً نور في وسط الضلمه لما بتقابله بتبقى عامل بالظبط زى كأنك في أوروبا ولقيت واحد مصري بتحس بفرحه غريبه
تحس الزملكاوي كائن أختار مصيره بأيده مش علشان ناديه بيكسب و بس و لا علشان بياخد بطولات و بس و برضه مش لأى سبب غير لأن الزمالك أسلوب حياه
تحس الزملكاوي كائن أختار مصيره بأيده مش علشان ناديه بيكسب و بس و لا علشان بياخد بطولات و بس و برضه مش لأى سبب غير لأن الزمالك أسلوب حياه
تحس ان مشجع الملكي هو ملكي بكل معنى الكلمه مش بالغنى و لا بالفقر بس تحسها في أسلوبه و كلامه و تصرفاته و أسلوب تعبيره تحس أنه فعلاً مينفعش يكون غير زملكاوي
من الأخر تشجيع الزمالك ميقدرش عليه أى حد تشجيع الزمالك مخاطره و حب و عشق و مغامره و حاجات كتير في قلب بعض ميعرفهاش غير الزملكاويه و بس تشجيع الزمالك ميعرفوش غير الأقوياء
اللي خلا نجيب محفوظ و أحمد زويل و مجدي يعقوب و عمرو دياب و محمد منير و محمد هنيدي و أحمد السقا و محمد الحلو وهاني شاكر وغيرهم كتير من قادة الفكر و الفن و التنوير يشجعوا الزمالك يبقى أكيد و من الأخر في شىء مختلف خلى كل دول يشجعوا الزمالك العظيم
من الأخر تشجيع الزمالك مش بالمنطقيه و الورقه و القلم تشجيع الزمالك بالقلب و بالضمير و بالأحساس و بحب الحق . تشجيع الزمالك حاله مش هيحسها غير اللي بيشجعه .تشجيع الزمالك زى الشخصيه بيتولد مع صاحبه بالفعل اللي بيشجع الزمالك مكنش ينفع يشجع غير الزمالك
من الأخر تشجيع الزمالك مش بالمنطقيه و الورقه و القلم تشجيع الزمالك بالقلب و بالضمير و بالأحساس و بحب الحق . تشجيع الزمالك حاله مش هيحسها غير اللي بيشجعه .تشجيع الزمالك زى الشخصيه بيتولد مع صاحبه بالفعل اللي بيشجع الزمالك مكنش ينفع يشجع غير الزمالك
***********************
>
>
***********************
ليست هناك تعليقات:
إرسال تعليق