أفضل محلات الفضه في مصرأكسسوارات و فضياتخواتم فضه رجاليعيارات الفضهفضه 925فضيات ريمو أند سيموREMO&SEMO Silver
أزاى تعرف الفضه الأصلي من المزيفه
كتير مننا عايز يعرف إزاي يميز الفضه من المعادن الأخرى و ده لأن في معادن تانيه بتشبه معدن الفضه في اللون و المظهر الخارجي عشان كده هنشرح في المقال ده و بمنتهى السهوله و باللهجه العاميه المصريه البسيطه عشان الكل يفهم و يستفيد و بعد قراءة المقال للنهايه هتكون وصلت للخبره الكافيه اللي تقدر تعرف بيها الفضه من اللي مش فضه "الفالسو"و ده طبعاً بعد أستشارة واحد من أفضل محلات بيع الفضه في مصر فضيات ريمو أند سيمو REMO&SEMO Silver
هنستخدم ٤ طرق بيكملوا بعض بيهم هنقدر نعرف حقيقة المعدن و هل هوه فضه ولا لأ وده من خبرة محل من أفضل محلات الفضه في مصر فضيات ريمو أند سيمو REMO&SEMO Silver زى ما سبق و وضحنا قبل كده
الطريقه الأولى
إختبار الدمغه أو الختم:
و بتتم بالبحث عن الدمغه أو الختم الموجود على المعدن و اللي بيثبت أن دي فضه و بيكون مكتوب عليه رقم العيار طبعا ، و الأختبار ده روتيني شويه و معروف و مش هوه اللي هيحدد بالظبط. وده عشان ممكن يكون موجود على معادن كتير علامات تشبه الدمغه و بدون الخبره الكافيه مش هنقدر نعرف الحقيقه.
الطريقه الثانيه
إختبار اللون و الصوت:
و فيها بنعتمد على التمييز من حيث لون المعدن و صوته ، يعني لازم تكون عارف لون الفضه كويس عشان تعرف الفرق بينه و بين أي معدن أخر لونه مشابه و كمان سماع الصوت بيحدد كتير ، لأن الفضه ليها صوت رنان مميز لما بنرمي المعدن ونسمع صوته كويس ، بس برضه الطريقه دي مش كافيه للفصل في الأمر و بتعتبر طريقه مساعده مش أكتر.
الطريقه الثالثه
إختبار المغناطيس:
و الطريقه دي بتحدد بشكل كبير بمعنى إن المغناطيس لو مسك في المعدن تعرف إنه يستحيل يكون فضه لإن الفضه لا تتأثر بجذب المغناطيس أبداً ، بس خلي بالك إن فيه معادن تانيه كتير برضه مش بتتأثر بالمغناطيس ، يعني هتيجي تقرب المغناطيس منها برضه مش هيجذبها ، يعني نقول إن الإختبار ده كاشف و لكن غير كافي .
الطريقه الرابعه
إختبار محلول الكذاب:
و الطريقه دي أفضل طريقه ممكن تستخدمها و تقدر بيها تعرف الفضه من أي معدن أخر ، هنحتاج نشتري "محلول الكذاب" المحلول ده لونه أحمر و هنلاقيه متوفر في الإماكن اللي بيتم فيها صناعة الفضه و الذهب (الصاغه) و هنحتاج مع المحلول ده حاجه إسمها "محك" ، و هنجيب أي معدن عايزين نكشف عليه نحكه على المحك و نضيف المحلول عليه لو لقيته لونه أحمر على المحك يبقى المعدن ده فضه و أصلي ، و لو ظهر بأي لون تاني غير الأحمر يبقى مش فضه و فالسو زي ما بيقولوا.
و ده فيديو تفصيلي بيوضح كل الخطوات من فضيات ريمو أند سيمو REMO&SEMO Silver
نتمنى نكون قدرنا نوصل معلومات جديده و مفيده ، لو عجبك المقال إنشره عشان غيرك يستفيد و بنشكر فضيات ريمو أند سيمو REMO&SEMO Silver على المجهود الرائع ده
***********************
>
>
***********************
ليست هناك تعليقات:
إرسال تعليق