سلطة الكول سلو
النهارده بنقدم لكل ست بيت أكله كتير مننا بيحبها و للأسف مش كتير بيعرف يعملها و بيحس أنه شىء صعب جداً انه يعمله و أن عمره ما هيطلع زى المطاعم المتخصصه في ده النهارده و علشان مطولش عليكم النهارده جيبين ليكم طريقة عمل سلطه الكول سلو اللذيذه. |
| سلطة الكول سلو |
أيه هى سلطة الكول سلو
الكول سلو هى عباره عن سلطة الكرنب و الجزر و عليها كتير من العناصر و التوابل و اللي هنشرحها ليكم النهارده بكل بساطه و المفاجئه أن أحنا النهارده مش مجرد هنشرح طريقة عمل الكول سلو لا أحنا كمان هنوصف ليكم طريقة عملها زى محلات دجاج كنتاكي بالضبط و اللي بيختلف طعم سلطة الكول سلو عنده عن أى مكان تاني يعني نقدر نقول أن توكيل سلطة الكول سلو موجود عند دجاج كنتاكي .مقادير عمل سلطة الكول سلو
عدد أربعة أكواب من الكرنب المبشور بعد غسله جيداً2 حبة جزر مبشوره.
2 ملعقه كبيره من اللبن السّائل.
2 ملعقه كبيره من السكّر.
مقدار من الملح حسب الحاجه.
معلقة كبيرة من اللّيمون.
ربع معلقة صغيرة من المايونيز.
عدد ا معلقة كبيرة من الخل.
مقدار من الفلفل الأسود حسب الرغبه
طريقة تحضير سلطة الكول سلو
نخلط السكر، والملح، والفلفل، والحليب، والليمون، والمايونيز، والخل مع بعض لحد ما نحس بتجانس جميع المكونات مع بعضها بشكل سليم جداً.نحط الكرنب والجزر مع الخليط اللي سبق عملناه من التوابل ، ونحطها في الثلاجه من نصف ساعة لساعتين أو أكثر كل ما نحطها أكتر يبقى أحسن طبعاً بس ممكن نقول أنه من نص ساعه لساعتين كويس و بعد كده نقدمها و بالهنا و الشفا
دي كانت طريقة تحضير سلطة الكول سلو زى دجاج كنتاكي بالضبط و محدش هيشك أنك أنتي اللي عملاها بأيديك و جربي و تبقى مضمونه و صحيه لأولادك و معموله تحت عينيكي تابعونا دايماً على موقعنا الدنيا فيها أيه فيها أحلى الأكلات علشان دايماً هنحاول نقدم ليكم كل جديد من طريقة تحضير أحلى الأكلات .
***********************
>
>
***********************
ليست هناك تعليقات:
إرسال تعليق