ما هى الفاهيتا
الفاهيتا و اللي كتير مننا بيحب أكلها جداً سواء فاهيتا الفراخ أو اللحمه و اللي كتير من المطاعم بيقدمها و دايماً بتبقى في مقدمة أى منيو داخل أى مطعم بيقدم مأكولات و بتبقى دايماً نجمة أى منيو خصوصاً المطاعم اللي بتقدم الفاهيتا بالشكل المضبوط زى ما قال الكتاب مش مجرد الفاهيتا كأسم و خلاص .الفاهيتا بدون ما ندخل في تفاصيل كتير هى أكله منتشره في العالم كله بشكل كبير جداً بس أصلها أكله مكسيكي عباره عن فراخ أو لحمه و الأتنين بيكون ليهم نفس طريقة التحضير مع خلطة توابل مميزه.
 |
| سندوتش الفاهيتا |
طريقة عمل الفاهيتا
المقادير لعمل الفاهيتا
- نص كيلو فراخ مخليه من العضم طبعاً
- ثمرة طماطم واحده
- 2 ثمرة فلفل رومي
- بقدونس و ده بيكون حسب الحاجه تقريباً مقدار كوب
- بصله صغيرة الحجم أو متوسطه
- عدد 2 فص ثوم
- فنجان خل أبيض أو عدد 2 ملعقه من الكبيره
- ملعقة كاري تكون صغيره للناس اللي بتحب الكاري
- مقدار من الفلفل الأسود و ده بيكون حسب الرغبه للناس اللي مش بتحبه
- ملعقتان من الزيت كبيره و الصح أنهم يكونوا من زيت الزيتون لكن ده برضه حسب الرغبه ممكن أى نوع زيت
طريقة تحضير الفاهيتا
- بنغسل الأول الفراخ بتاعتنا كويس جداً و ده أهم حاجه و الغسيل يكون بالخل و الملح علشان زيادة تطهير ليها
- بنقطع بعد كده الفراخ بتاعتنا شرائح صغيره زى الكبده الأسكندراني كده
- بنطحن الثوم و بنحط بعد كده قطع الفراخ مع الكاري و الخل و الملح و الفلفل الأسود و كميه صغيره من الماء لمده نص ساعه
- بنقطع البصل بتاعنا شرائح و نقلبه في الزيت
- بنحط الفراخ المتقطعه قبل كده زى ما قولنا في الزيت و نقلبها مع البصل
- بنقطع بعد كده الفلفل الرومي مكعبات و ممكن فلفل حراق معاه حسب الرغبه و بنحطهم على الفراخ على النار لحد ما تستوي
- قبل السوا بحاجه بسيطه بنحط الطماطم بتاعتنا المتقطعه و البقدونس و بالهنا و الشفا
كده أحنا جبنالك المكسيك لحد عندك و كمان أجمل فائده من الموضوع أنك هتعمليها تحت عينيكي في البيت بدل أكل الشارع .
***********************
>
>
***********************
ليست هناك تعليقات:
إرسال تعليق