طريقة عمل الصابون
أول حاجه هنجمع البواقي اللي عندنا من الصابون القديم ، و هنحاول نقصهم لقطع صغيره جداً ، و بعدين هنحط البواقي في حاجه تيفال علشان متلزقش فيه و هنحطهم على البوتاجاز و نفضل نقلب أو ممكن الميكرويف كمان و نفضل نقلب المكونات كل نصف دقيقه كده و هيه على النار و نضيف عليهم معلقة من زيت زيتون أو زيت جوز الهند أو زيت اللوز اللي موجود عندنا في البيت هيوفي بالغرض ، لو عايزين نغير اللون ممكن نضيف اللون اللي أحنا عايزينه.
لحد كده الصابون أتعمل فاضل أخر خطوه و يبقى جاهز للإستعمال ،،،
هنجيب قوالب سليكون بحجم مناسب لقطع الصابون اللي عايزينها ، و لازم سيلكون عشان الصابون ميلزقش و نعرف نخرجه بسهوله لو مفيش سليكون ممكن نستبدله بصينيه عاديه موجوده في البيت بس هنفرشها بورق زبده ،
هنبتدي نصب الخليط بتاعنا في القوالب و بعد كده هندخله الفريزر لمدة نصف ساعه،،،
كده تمام هنخرج القطع من القوالب السليكون أو هنقطعها اللي في الصينيه لقطع بالحجم اللي عايزينه،
أتمنى تكون طريقه مفيده ليكم
إلى اللقاء في حاجات تانيه مفيده بإذن الله،،،
***********************
>
>
***********************
ليست هناك تعليقات:
إرسال تعليق